Radyo Bisdak

Tumong ug Katuyoan

  Ang Radyo Bisdak usa ka payag sa dagitwanang (cyberspace), gituyo pagmugna aron paghatag ug kahigayonan sa tanang mga bisaya sa tibuok kalibotan nga makatagamtam sa kaanindut ug kabahandianon sa atong kaugalingong kultura, ilabi na sa natad sa musika ug pinulungan.

  Tuyo usab niining maong tulumanon mao ang pagpalambo sa atong kaugalingong hiyas nga inanay ng gikutkot sa paglabay sa makilangyaw nga panahon. Ang atong pinulongan, huni, balak, pasundayag, ug uban pa nga nakapahimo natong bisaya, hapit na mahanaw tungod ra usab sa atong pagpabaya ug pagsalikway. Mas masakit kay aduna pay mga kaigsuonang mga bisdak nga gikaulaw ang ilang kaugalingon.

  Dili nato tuyo nga bungkagon ang katawhang Pilipino. Hinuon mas mauswagon pa ang usa ka nasud kung adunay kahigayonan ug kalig-unan ang matag pundok ug tribu nga naglangkob niini.

  Tungod niini, panahon na nga maghiusa kitang mga apo ni Lapu-lapu, Dagohoy, Leon Kilat, ug uban pa natong mga bayani nga bisdak, aron pagkab-ot sa dugay ng gihikaw kanato nga mao ang pag ila, pagpasigarbo, ug pagpalambo sa atong kauglingong kultura.

  Kay ang pagpalambo ug pagpalig-on sa kultura maoy tulay ngadto sa tinuod nga kalampusan.

Busa Bisdak, Bangon ug Padayon!
Rolly Wagas
RADYO BISDAK, Texas, USA

Gusto ka mohangyo palabyog og awit, adto lang sa Balayan sa Radyo Bisdak http:/radyobisdak.com Alas 10 sa buntag (Philippine time) hangtod alas 12 sa udto ang buhing pabuhagay, buhing sibya! Inyong ubos nga alagad DJ Rolly mo-abi-abi kaninyo uban sa mga Radyo Bisdakerz.. Inyong mga sugilanon ipadala pod kaniya ug isibya kini diha sa programang Gugmang Giatay. Ipadala lang dire

Tabi sa KALUBIHAN Ipatapot ni sa imong payag kun balayan | Adto sa Lawak Tabian	Tabi sa RADYO BISDAK Kuha'g imo! Padak-a! Adto sa lawak tabianan sa RadyoBisdak |