Giinsulto ni Tsao ang mga Pinay/Pinoy, unsay imong masulti?

[Lubi]

Mabasa dinhi ang artikulo

Giinsulto ni Tsao ang mga Pinay ug Pinoy, unsay imong masulti?

Magprotesta daw ang mga Pinoy/Pinay kay giyaga-yagaan ta nga 'nasod ta sa mga ulipon'.
Sakit paminawon no?

Mao pod bitaw nga Masteron nato ang atong kaugalingon, aron Agalon ta sa Kaugalingon ug aron dili ulipon ang dagan sa atong panghunahuna. Aron nga moangkon ug kitay modala sa atong kaugalingon, dili kay magpaulipon, atong angkonon, ipasigarbo, ug palamboon ang atong Kaugalingon. Lakip na ang atong kaugaligong pinulongan, atong palamboon. Kay atong kaugalingon ang pinulongan, ato ni nga panglantaw sa atong kaugalingong kalibotan. Kon ubos og tan-aw sa kaugalingong pinulongan, nagpadayag lang nga ubos og tan-aw sa kaugalingong kultura ug pinulongan, sa kaugalingong kailhanan sa pagka Bisaya.

Angkonon nato ang atong kaugalingon, aron dili ta mawad-an og ato. Kon kita mismo ubos og tan-aw sa kaugalingon, moyam-id sa inato ug sa ato, unya uyon ra pod magpaulipon, uyon lang singhagan sa Amo kun Agalon, nan dili ikatingala nga ang ubang tribo motamay kanato.

Magsugod ang respeto diha sa pagrespeto sa kaugalingon. Ang pagsulbad, dili mao ang pag-usob sa unsay giestorya sa uban bahin kanato, kay ila na nga kaugaligong problema. Ang problema nato, unsaon nato pag-usab sa atong kaugalingong pag-ila ug panglantaw sa kaugalingon, unsaon nato pag-usob sa dagan sa atong hunahuna, gikan sa pagka-ulipon ngadto sa pagka-Agalon sa kaugalingon. Nga kita ang agalon sa atong Nasod, kita ang agalon sa atong Yuta. Kita ang Agalon sa atong puloy-anan, kita ang manalipod sa atong Tugkaran. Tan-awa ang atong Yuta, giparot na ang kabukiran, gibungkal na sa mina, gihiloan na og kemikals ang kayutaan ug kasapaan.

Kining atong paghigugma sa atong Kaugalingong pinulongan, nagpadayag na sa atong paghigugma sa atong Kaugalingong dungog, sa atong Kaugalingong kalamboan, sa atong Kaugalingong Katawhan.

Hinaot, tinuoray gyod tang molambo, nga molambo ang atong Kaugalingong, pangkinatibuk-an nga kalamboan, lakip na ang kalamboan sa atong kaugalingong pinulongan ug kultura. Ato gyod nga kalamboan. Dinhi ta sa ato motan-aw. Dili mag-usik sa pagtan-aw sa unsay sulti sa uban bahin kanato, kay ila pod nang muta sa ilang mata. Ug tinuod man sad, diha sa iyang nahimutangan sa Hong Kong ang 'kailhanan'
sa mga Filipino,mga ulipon, sulogoon man. Mao nga ang Kining Intsik nga Amo, patuyang lang og abuso ug pagtamay agi diha sa iyang pagsulat sa maong artikulo nga nakatay-og sa mga balatian sa mga Pinay sa Hong Kong.

Pero, tinuod biya pod,
imbis nga mohimo og kaugalingong negosyo, mas pilion pa man sa Pinay ang magpabulan, magpaulipon. Daw maoy iya, ang pagpaulipon. Karon kay naay langyaw nga miingon nga ulipon ang Pinoy/Pinay, kay mao sad pod ang iyang namathan diha sa Hong Kong, moangal na sila. Makadayeg sad ko sa pag-angal o sa ilang pagprotesta, apan dili ni ang sulbad, kon sa hunahuna niya ang Pinay/Pinoy magpabiling ulipon sa hunahuna ug kinaiya. Kay kon dili pa unta ulipon ang hunahuna o kinaiya, dili unta moabot ni nga takna nga tamayon siya sa maong Intsik.

Balik ta sa atong Kaugalingon, balik ta sa kaugalingong kultura ug pinulongan. Atong Masteron (Agalonon) ang atong Kaugalingong pinulongan, kultura ug kasaysayan, ang atong patigayon ug panggamhanan. Makalingkawas ba diay ta sa pagka-ulipon kon, magsige lang tag tando , unya dili Masteron ang kaugalingon nga kahimtang?

Dinhi ta magsugod sa atong Kaugalingon, dinhi ta manukad. Dinhi ta magsugod sa paghigugma ug pagrespeto sa Kaugalingon, aron madayag sa ubang tribo ug sila usab makat-on sa pagrespeto ug paghigugma kanato. Ug kon dili man, ila na nga problema. Basta kita nahigugma ug nagrespeto sa atong Kaugalingon, tinuod nga kaugalingon, malangkubon nga kaugalingon, lakip ang paghigugma sa kaugalingong pinulongan, katawhan ug yuta.

Kaugalingon ang usbon, kaugalingon ang palamboon.
Dili kay magprotesta lang aron usbon ang panulti sa uban, unya padayon lang gihapon sa pagpalambo sa abusadong Amo.

Mas maayo pa unta, nga kaugalingon ang atong palamboon. Usbon nato ang tinuod nga kahimtang ngadto sa tinuod nga kalamboan, kalamboan sa tanang ato, tanang kabahin sa atong Kaugalingon.

[Rene Ezpeleta Bartolo]

Sakit bitaw, apan unsaon man ang kaugalingon natong gobyerno maoy nagtukmod sa atong katawhan nga mogawas sa nasud ug magpaulipon sa langyawng dapit. Sakit bitaw ang kamatuoran. Mao bitaw nga sa diksyonaryo ni Webster, ang buot ipasabot sa pulong nga "Filipina", housemaid, ulipon.

[Sari]

tinuod nga unahon nato pagtul-id ang mga kaugalingong panghunahuna... pero dili pud nato kalimtan nga walay gustong magpaulipon sa laing tawo labi na sa mga langyaw kon aduna lang untay trabaho sa kaugalingon nasud. Kasagaran sa mga Domestic Workers nga pinay og pinoy napugos og langyaw sa laing nasud tungod kay wala may trabaho nga makita sa Pilipinas aron masuportahan og mabuhi ang pamilya. Angay gyud nato ikasuko nga tawagon ta nga ulipon apan angay IKAULAW sa Gobyernong Pilipinas ang nahitabo. Maayo kon makahinoklog sila og makahimo og maayong plano aron malingkawas ta sa mga pagtamay sa mga langyaw. Dili lang unta masuko or taman sa ra "public reaction" pero walay "concrete action" ang mga Politiko aron mahunong na ang mga pagtamay. Hangtud walay pagbag-o sa mga panglantaw og kinasing kasing nga paghunahuna og mga programa aron maibsan ang discriminasyon sa mga Filipino padayon nato kini nga masinati.

[Victor and Sally Brubacker]

Lahi ra gyud kung magbinisaya ta kay makasulti gyud ta sa atong gibati no?
Pero kini ang akong mga pangutana... Ngano man nga atong mga pinoy doctors nahimo naman ug nurses diri sa america? Ang mga lawyers natong uban, nahimo na sad ug realtors diri? Ang ubang lalaki nga mga artista naging taxi drivers nalang pod or painters? Naa pa'y uban nga mga MA teachers nga nahimo nalang ug housemaids diri - although dili sab tanan ha. Ug daghan pang uban nga dili ko na ma-ihap, nagkalain-lain nalang intawon. Tungod ba kini kay kita nahigugma sa trabaho or jack of all trades lang gyud ta as Filipinos?
Mao siguro nga nalibog nalang si Tsao kay graduate man kaha to sa University iyang ulipon?
Nganong naka-conclude man sila sa Webster nga dapat DOMESTIC helper ang description sa Filipino? Nakita ba kini nila? Or ilang nasuta nga kitang mga pinoy ug pinay pulido lang motrabaho ug dili moreklamo basta kay ang mga kamot na'ay mahimo ug makaserbisyo bisan asa ibutang sa kalibutan.
Pasayloon nalang siguro nato si Tsao kay wala man sya kabalo sa iyang gipangsulti. Iya ra man ng opinion ug binata siguro nga panghuna-huna. Basta kita mga Pilipino, kabalo ta sa atong kasing-kasing nga masinabtanon ta, malolooy-on, matinabangon, mapa-ilubon, masaligan, kusgan, ug mga descendants sa Kahitas-an.
Dili nato mabaylo ang atong maayong kina-iya sa kina-iya sa mga tawong wala ka-ila sa Ginoo. Busa amo nalang i-ampo si Tsao nga iyang bawi-on ang iyang gisulti pinaagi sa pagdayeg kanato mga taga-Pilipinas. Unsaon, mao man siguro'y palad sa atong mga pinoy ug pinay. Mao ba kaha?
"Blessed are the peacemakers, for they shall be called the children of God..."Matthew 5:9
MABUHAY ANG PILIPINO! We are still the best among the rest...

[grace O. galache]

really.... thats how famous pinoys are???!!! anyway that chinese reporter is just a boy who wants to be famous...just like those stupid nonsense reporter... i think there are lots of them in china who talk less of others... talking less of others means that this man is lesser than most of us... HOW REALLY PATHETHIC OF HIM.....being servants means that we earn our living honestly and humbly.. who says its wrong to be housemaid??? we are not business liars....now tell me who is better a servant or a business liar????

[Jun Jamandre]

Balik sa sugilanon sa kalubihan. dili kalubihan ang kong ipakig ambit kong dili usa ra ka lubi o bunga sa lubi nga moabli sa pagtan-aw sa atong kaugalingon ug pagmata aron magiyahaan kita sa atong pagpakabana sa atong kaugalingong nasud. Abg bunga sa lubi adunay tulo ka bahin. Ang bunot- outer covering
ang bagol ug ang unod. Di ba tinuod nga ang pinakadako nga problema sa tong nasud Economic, gutom, kulang sa pagkaon, kay ngano? taas kaayo nga sugilanon unta kaniadto himsug ang atong basakan, kalubihan, mga lagut-mon apan pestilizer na man hinoon ang gisaligan.... unod sa lubi ang atong gikinahanglan. unsaon man nga naa may bagol nga nakatabon. kiyak-an man ang unod, protectado pa. kinsa man ang nagyaka sa unod ( economic) mga multo-nationals, forreign investors mao taas gihapon ni nga mga issue. sakto ang gisulti nila nga "we are like biggars sitting on the mountain of gold". unsa ang tinuod nga panghitabo nga makalimot kita sa pagpaningkamot nga makuha ang unod sa lubi. Wow, mga project, infra, mga paguapo sa palibut, mga kalingawan, mga fiestas, murag walay problema. kalooy ni puloy gilingaw lingaw ra sa kaindut sa palibut hangtud nahikalimut sa kaugalingon. tinoud siguro nang panultihun nga nag-ingon" Maayog barug apan tiyan kurog".
So Bunot- Social
Bagol - Political
Unod - Economic
adiser nimo makaon ang unod. bunti usa ug BUK-A ang bagol para maatiman nimo ang imong kaugalingon. mao kini ang tinuod nga sugilanon sa kalubihan.
Ang gahum sa Ginoo maana kaninyo samtang magasugod kamo pagbuak sa bagol.